A-bú bô aì góa 阿媽無愛我

A-bú bô aì góa 阿媽無愛我


Chit ê tiān-iáⁿ iōng ê Hàn-jī m̄-sī lóng Tâi-gí--ê. Ū-sî-á siáⁿ ì-sù, niā-niā.

"Bô" m̄-sī 不 , sī 無.

"o͘" m̄-sī 黑, sī 烏.

Kiâⁿ m̄-sī 走 , sī 行.

Būn-tè in-uī lâng si̍p-koán iōng Hôa-gí ê Hàn-jī siá.

Writing Camps -- a good way to start

- Suming Rupi, A member of Taitung’s Atolan tribe, a subgroup of the Amis

Chhī lâng-leng

Chhī lâng-leng
src: wikibooks

Chit-má teh chò a-kong a-má ê hit-chân-lâng khah hèng chhī gín-á chia̍h gû-leng, che kiám-chhái sī siū-tio̍h in siàu-liân-sî-tāi tiān-sī kóng-kó ê éng-hióng. Chit-má ê koan-liām sī, gû-leng sī gû-á-kiáⁿ chia̍h--ê, lâng ài chia̍h lâng-leng.

Chhī lâng-leng ē tú-tio̍h kóa-á khùn-lân, tī Tâi-oân siōng chú-iàu tō sī ta-ke-koaⁿ ē hoán-tùi, in ē kóng lâng-leng bô êng-iáng, koh kiaⁿ lâng-leng bô kàu chia̍h, kóng ná-ē gín-á khoàⁿ--khí-lâi sán-thiu-sán-thiu, bô hàng-leng, koh ná-ē gín-á bô siáⁿ pàng-sái. Sū-sı̍t sī, lâng-leng ê êng-iáng khah hó khip-siu, bô siáⁿ phoh, m̄-chiah khah bô sái. Chia̍h gû-leng--ê he mā m̄-sī hàng-leng, sī tōa-kho͘-phàⁿ, chia̍h lâng-leng ê gín-á ē khah tēng-chiⁿ. Bián kiaⁿ leng bô-kàu, gín-á ná suh ē ná puh--chhut-lâi. Tōa-lâng ài ke lim kún-chúi tō ū-iáⁿ. Ū-kóa-á chháu-á-tê ē hoat-leng.

Chhī lâng-leng m̄-sī pún-lêng, ài o̍h. It-poaⁿ tōa pēⁿ-īⁿ bô-liāu ū teh kà. Tī Bí-kok, La Leche lóng ū phài lâng khì pēⁿ-īⁿ sûn sán-pâng, kà lâng án-choáⁿ chhī lâng-leng.

Leng nā gín-á suh bô liáu, ū sî ē that--tio̍h. Chhī leng ta̍k-pái ài oàⁿ-pêng khai-sí chhī. Chit-pái nā ùi chiáⁿ-pêng seng chhī, āu-pái tō ùi tò-pêng seng chhī. Án-ne khah bōe that. That--tio̍h ē thiàⁿ, beh tī-liâu siōng kán-tan koh ū-hau tō sī kiò gín-á kā suh--chhut-lâi. Nā that--tio̍h khǹg--ê bô chhú-lí, ē ni-á-iâm. Tio̍h ni-á-iâm mā sī ài kè-sio̍k chhì, leng-chúi ē khah kiâm, sek-chúi khah n̂g, chóng--sī gín-á chia̍h bô pāi-hāi. Bô kè-sio̍k chhī ē ná hāi.

Nā siang-siⁿ-á, mā sī ài ē-kì-tı̍t oàⁿ-pêng.

Ū-sî-á ni-thâu ē pit ē thiàⁿ. Ài pó-iáng. Io̍h-pâng ū teh bōe choan-mn̂g ê khulimu, sêng-hūn sī Lanolin, gín-á chia̍h-tio̍h bōe iàu-kín.

Poàⁿ-hòe lâi tō thang hō͘ gín-á chiām-chiām khai-sí chia̍h ám-môe mī pn̄g. Chhī kah tō͘-chè lâi ē-sái tn̄g leng. Nā ū--ê gín-á oan-á beh chia̍h khimochi--ê, mā bián khai-chîⁿ bóe gû-leng-hún, chia̍h chhiⁿ-gû-leng tō khó-í. Sī kóng, Tâi-oân chhiⁿ-gû-leng khah kùi kòe gû-leng-hún.

Chhī lâng-leng ū-kóa-á mê-kak:

Put-sam-sî ài khip--chhut-lâi hō͘ iⁿ-á ēng kan-á chia̍h, bô, kú--lâi i tō bōe-hiáu suh chhiū-leng-chhùi. Kàu-sî gín-á bô-hoat-tō͘ hō͘ pa̍t-lâng tàu kò͘. Nā ū-iáⁿ ū chit-ê chèng-thâu, beh koh hō͘ iⁿ-á o̍h suh chhiū-leng-chhùi, kan-taⁿ 1-pō͘, hō͘ i iau. Iau chha-put-tō 8-12 tiám-cheng i tō ē kam-goān suh.

Siōng-hó sī iⁿ-á khùn-cheng-sîn chek-sî hō͘ i chia̍h. Nā tán kah beh khùn chiah lâi chia̍h, kiám-chhái suh kah poàⁿ-pá tō khùn-khì, án-ne khùn bô bîn koh chia̍h bô pá, put-sî tō lâi chhá, tōa-lâng lóng bián chò-sit.

------------------------------------
Koān-hē chit hāng tāi-chì ê pa̍t pún chheh :
百歲醫師教我的育兒寶典; bé chheh
taiwanbaby.com

Homeland

Investigating Tayal Resources

Assessing the strength of a language

A language has depth and breadth if it has sufficient words to translate the following.

"
Glint, glisten, glitter, gleam ...

Tiffany though a lot about words, in the long hours of churning butter. "Onomatopoeic," she'd discovered in the dictionary, meant words that sounded like the noise of the thing they were describing, like cuckoo. But she thought there should be a word meaning a word that sounds like the noise a thing would make if that thing made a noise even though, actually, it doesn't, but would if it did.

Glint, for example. If light made a noise as it reflected off a distant window, it'd go glint! And the light of tinsel, all those little glints chiming together, would make a noise like glitterglitter. Gleam was a clean, smooth noise from a surface that intended to shine all day. And glisten was the soft, almost greasy sound of something rich and oily.
"

- Terry Pratchett, The Wee Free Men