Ki-tok-kàu Iàu-lí Būn-tap
1. Mn̄g: Lí siⁿ sí ê chin hok-khì sī cháiⁿ-iūⁿ?
Ìn: Góa put-lūn oa̍h put-lūn sí, seng-khu lêng-hûn m̄-sī sio̍k tī góa ka-kī, lóng-chóng sī sio̍k tī Iâ-so• Ki-tok.
I sī góa sêng-si̍t ê Kiù-chú, ū lâu I ê pó-huih it-chīn thòe-sio̍k góa ê chōe-kòa, kiù góa thoat-lī Mô•-kúi ê koân-sè; ko pó-hō• góa ke̍k siông-sè; hō• góa só• tú-tio̍h bān hāng ê tāi-chì, bô chi̍t hāng ōe sún-hāi góa, ta̍k hāng ōe lī-ek góa, lâi pang-chān góa tit-tio̍h kiù.
In-ūi án-ni-siⁿ I chiū siúⁿ-sù Sèng Sîn chòe chún-tǹg tī góa ê sim-lāi hō• góa thang chai ū éng-oán ê oa̍h, ia̍h hō• góa hoaⁿ-hí ho̍k-sāi I kàu chi̍t-sì-lâng,bô soah.
(Lm 14:7-9. 1 K 6:19-20. 1 K 3:23. Ksl 19:11. 1 P 1:18-19. 1 Ih 1:7, 3:8. H 2:14-15. Ih 6:39, 10:28-29. Lk 21:18. Mt 10:30. Lm8:28. 2 K1:22, 5:5. 2 Tm 1:12. Lm 8: 24., 7:22. Ih 10:4.)
